Qalxanabənzər vəzin ultrasəs müayinəsi (USM)

Qalxanabənzər vəzin ultrasəs müayinəsi (USM)

Qalxanabənzər vəzin ultrasəs müayinəsi vəzin ölçüsünü, formasını, quruluşunu, qan axın doppler göstəriciləri, kistaları, xoş və bəd xassəli düyünləri və toxuma xüsusiyyətlərini qiymətləndirməyə imkan verən qeyri-invaziv görüntüləmə üsuludur. Müayinə zamanı qalxanabənzər vəzin payları və isthimusu( boyun) qiymətləndirilir, düyün, kista, xoş və bəd xassəli düyünləri və digər struktur dəyişikliklər araşdırılır. Düyün aşkar edildikdə onun ölçüsü və ultrasəs xüsusiyyətləri qiymətləndirilir və əvvəlki müayinələrlə müqayisə edilərək dinamikası izlənilə bilər. Ultrasəs müayinəsində ionlaşdırıcı şüalanmadan istifadə edilmir. USM qalxanabənzər vəzin quruluşunu göstərir, lakin vəzin hormonal fəaliyyətini müəyyən etmir. Funksiyanın qiymətləndirilməsi üçün laborator analizlər və klinik vəziyyətdən asılı olaraq əlavə müayinələr tələb oluna bilər.

Nə zaman müraciət etməli?

• Saç tökülmə, əllərdə əsmə, yemək qəbuluna uyğun olmayan çəki alınması və azalması.
• Bədəndə şişkinlik - ödem.
• Boyunda şişkinlik, düyün və ya kütlə hiss edilməsi, udqunma zamanı aörı və ya çətinlik
• Fiziki müayinə zamanı boyunda vəz nahiyyəsində bərklik aşkarlanması
• Başqa görüntüləmə müayinəsində qalxanabənzər vəzdə dəyişiklik aşkarlanması
• Qan analizində TSH, ANTİ - TPO, T№, T; dəyərlərində dəyişikliklər olduqda
• Əvvəlki USM-də aşkarlanmış dəyişikliklərin təkrar qiymətləndirilməsi və məlum qalxanabənzər vəzi düyünlərinin dinamik izlənməsi

Kimə lazımdır?

Boyunda düyün, şişkinlik və ya kütlə hiss edilən, qalxanabənzər vəzdə struktur dəyişiklikdən şübhələnilən, başqa müayinədə təsadüfən düyün aşkarlanan və ya əvvəldən məlum qalxanabənzər vəzi düyünlərinin dinamik izlənməsi tələb olunan pasiyentlərə həkim tərəfindən tövsiyə edilə bilər.

Müayinə necə aparılır?

Pasiyent arxası üstə uzanır və boyun nahiyəsi müayinə üçün açıq saxlanılır. Dəriyə xüsusi ultrasəs geli çəkilir və həkim probu boyun səthində hərəkət etdirərək qalxanabənzər vəzi və ehtiyac olduqda ətraf strukturları müxtəlif proyeksiyalarda qiymətləndirir. Müayinə qeyri-invazivdir və adətən ağrısız keçir.

Hazırlıq

Xüsusi hazırlıq tələb olunmur. Müayinədən əvvəl qida və maye qəbuluna məhdudiyyət qoyulmur. Əvvəlki qalxanabənzər vəzi USM nəticələriniz və digər müvafiq tibbi sənədləriniz varsa, müqayisə üçün özünüzlə gətirməyiniz faydalıdır.

Nəticə necə verilir?

Müayinə zamanı əldə edilən görüntülər qiymətləndirilir və nəticə yazılı rəy şəklində təqdim olunur. Aşkarlanan düyün və digər struktur dəyişikliklərin əsas ultrasəs xüsusiyyətləri qeyd edilir. Zərurət olduqda əlavə laborator müayinə, dinamik USM nəzarəti, endokrinoloq konsultasiyası və ya əlavə qiymətləndirmə tövsiyə oluna bilər.

Təhlükəsizlik və məhdudiyyətlər

Ultrasəs müayinəsində ionlaşdırıcı şüalanmadan istifadə edilmir və standart diaqnostik USM qeyri-invaziv müayinə üsuludur. USM qalxanabənzər vəzin strukturunu qiymətləndirir, lakin hormonal funksiyasını müəyyən etmir. Düyünün ultrasəs görünüşü onun riskinin qiymətləndirilməsinə kömək etsə də, USM bütün hallarda xoşxassəli və bədxassəli dəyişiklikləri qəti şəkildə fərqləndirə bilməz. Zərurət olduqda laborator analizlər, incə iynə aspirasiya biopsiyası və ya digər müayinələr tələb oluna bilər.

Nə vaxt təcili müraciət etməli?

Boyunda sürətlə artan şişkinlik, nəfəs almaqda ciddi çətinlik, udmanın kəskin çətinləşməsi və ya hava yolunun sıxılması hissi yaranarsa, planlı USM qəbulunu gözləmədən təcili tibbi yardım üçün müraciət edin.

Müayinə üzrə suallar